Këtë fundjavë luhet raundi i 30-të i Serie A, por në Napoli asnjë nuk e ka mendjen te sfida me Veronën, edhe pse një fitore e afron ndjeshëm me titullin. Tifozët kërkojnë përmbysjen të martën në mbrëmje ndaj Milanit në stadiumin “Maradona”.
Marrëdhëniet e tifozëve napolitanë me drejtuesit e klubit dhe kryesisht me presidentin De Laurentiis kanë qenë të tendosura kohët e fundit, por për hir të ekipit ka një paqe, ndonëse nuk asgjë zyrtare. Për momentin është harruar edhe festa e titullit kampion teksa tifozët po përgatiten prej javësh.
Humbja në kampionat me Milanin 0-4 dhe ajo në “San Siro” 1-0 në Champions ka nxitur edhe më shumë fansat e kaltër për të mbushur stadiumin dhe për t’u hakmarrë ndaj kuqezinjve. Nëse Napoli do të shkonte në gjysmëfinale, do të ishte e parë në historinë e Champions League dhe me siguri do të festohej si një triumf.
Ashtu si Pioli, edhe Spalletti do të bëjë shumë ndryshime për sfidën e kampionatit. Osimhen nuk do të luajë të shtunën, ai pritet të zbresë në fushë të martën në mbrëmje, për t’i dhënë një dorë ekipit të marrë një fitore historike.
(BalkanWeb)
