Të paktën 100 persona pretendohet të kenë humbur jetën si pasojë e 30 tornadove që goditën 5 shtete të SHBA-së gjatë të premtes dhe të shtunën.

Në mesin e objekteve që e pësuan keq nga erërat e forta që frynin mbi 300 kilometra në orë në Kentucky, ishte fabrika e qirinjve, shtëpia e të moshuarve në Arkansas dhe një depo e Amazon në pjesën perëndimore të Illinois.

Sakaq, në pamjet satelitore të shpërndara në rrjete sociale, shihet qartë shkalla e shkatërrimeve nga tornadot, që morën para gjithçka që u dilte përpara. Për rastin ka reaguar edhe komandanti i Policisë, Dean Patterson, i cili ka e ka cilësuar situatën në Mayfield si kaotike.

“Në Mayfield është një situatë kaotike”, tha komandanti i policisë Dean Patterson.