GJERMANI – Partia e kancelares gjermane Angela Merkel, CDU, është mposhtur në zgjedhjet në shtetin Mecklenburg-Vorpommern.
Partia e Merkel ka dalë e treta në zgjedhjet e mbajtura sot, prapa SPD-së dhe partisë kundër refugjatëve Alternativa për Gjermaninë (AfD).
Sipas sondazheve, AfD ka fituar 21 për qind të votave në Mecklenburg-Vorpommern. Kjo parti ka bërë fushatë kundër politikave të kancelares Merkel për refugjatët.
Kandidati i AfD-së, Leif-Erik Holm ka thënë se këto janë rezultate të mira dhe ka shtuar se është i gëzuar që ka lënë prapa CDU-në e Merkelit. “Ndoshta ky është fillimi i fundit të kohës së Merkelit si kancelare”, ka thënë ai.
Sipas sondazheve, SPD ka fituar 30.5 për qind të votave. Partia e Merkelit, CDU ka fituar 19 për qind, që sipas mediave gjermane, është rezultati më i keq i kësaj partie në këtë shtet.
(er.nu/BalkanWeb)