Një takim i ambasadorëve të BE-së u ndërpre këtë pasdite pa miratimin përfundimtar të paketës së gjashtë të sanksioneve të bllokut.
Në një prononcim për BBC, diplomatët kanë bërë me dije se Hungaria ngriti kundërshtime për vendosjen e kreut të Kishës Ortodokse Ruse dhe aleatit të Putinit, Patriarkut Kirill, në listën e sanksioneve.
Kryeministri hungarez Viktor Orban ka folur më parë kundër shënjestrimin e Patriarkut Kirill duke thënë se vendi i tij nuk do të mbështesë vendosjen e udhëheqësve të kishës në një listë sanksionesh. Sipas tij, kjo ndikon në çështjen e lirisë fetare për komunitetet në Hungari, dhe kjo është e shenjtë.
Ambasadorët mund të mblidhen nesër në Luksemburg.
Diplomatët janë të sigurt se do ta kalojnë paketën, me ose pa përfshirjen e Patriarkut Kirill në listë.