Manchester City merkaton e verës së kaluar bëri surprizën kur afroi në krye të skuadrës Pep Guardiolën, teknikun e suksësshëm spanjoll. Nëse një sezon më parë u arrit gjysmëfinalja e “Champions Leaguë”, këtë vit të paktën kërkohej finalja.
Siç duket gjërat nuk shkuan ashtu si duhet pasi mbrëmë City u largua me kokën ulur nga kompeticioni më i rëndësishëm europian duke shpërdoruar një fitore me dy gola diferencë.
Arsyeja? Lojtarë jo në nivelin e duhur, të paktën kështu mendon Guardiola. Për këtë arsye, strategu spanjoll ka marrë një vendim radikal për të bërë revolucion duke larguar rreth 18 lojtarë nga ekipi aktual, raporton “The Guardian”.
Yaya Toure, Gael Clichy, Pablo Zabaleta, Ëilly Caballero, Jesus Navas, Bacary Sagna dhe Tosin Adarabioyo janë në skadim të kontratës dhe largimi i tyre është i pashmangshëm.
Gjithashtu në operacionin “fshesa” pritet të futen edhe lojtarë të tjerë si: Joe Hart, Eliaquim Mangala, Samir Nasri, Wilfried Bony dhe Jason Denayer.
Ndërsa në klub ka pasiguri edhe për të ardhmen e: Sergio Aguero, Vincent Kompany, Aleksandar Kolarov, Fabian Delph, Fernando dhe Kelechi Iheanacho.
Me largimin e lojtarëve Guardiola do të përfitojë rreth 150 milionë sterlina të cilat do t’i shpenzojë për të bërë merkato të madhe.
(e.k/BalkanWeb)
