TIRANE

Mëngjesi i sotëm nuk ishte më i miri për Oltën, e cila për herë të parë nga hyrja e saj në shtëpinë e Big Brother shpërtheu në lot.

Sapo u zgjua dhe doli në oborr, ajo i tha Luizit dhe Valbonës se është zgjuar shumë e mërzitur.

Më pas, Olta i kërkoi Luizit t’i bënte asaj një kafe, ku nisi të fliste me Valbonën. Ajo i tha Valbonës se nuk arriti dot të shijonte surprizën e djalit, pasi ngriu e tëra dje në spektakël.

Ajo shtoi se nuk e shijoi surprizën, pavarësisht se u gëzua shumë kur e pa të voglin e saj.

“Nuk e di a dua të vazhdoj më”, ka thënë mes të tjerash aktorja e njohur.

Kjo gjendje e saj vjen për shkak edhe të disa prej banorëve të tjerë, për të cilët ajo është shprehur se ia kanë arritur qëllimit që ta nxjerrin nga vetja.

Që nga nisja e Big Brother VIP Albania, Olta njihet si një prej banoreve më të forta dhe të zhurmshme të edicionit të dytë të këtij sezoni.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: