Pas kritikave vitin e kaluar për një përdorim të hershëm, vaksina Sputnik V e Rusisë është 91.6% efektive kundër Covid-19 simptomatike, sipas një analize të ndërmjetme të rezultateve të provës së fazës 3 të vaksinës.

Gjetjet paraprake u botuan në Lancet të martën dhe bazohen në të dhënat e mbledhura nga 19 866 pjesëmarrës, nga të cilët rreth tre të katërtat (14 964 persona) morën dy doza të vaksinës dhe një të katërtës (4 902) iu dha një placebo.

Gjashtëmbëdhjetë raste të Covid-19 simptomatik u konfirmuan në grupin e vaksinave 21 ditë pasi pjesëmarrësit morën dozën e parë të vaksinës. Gjashtëdhjetë e dy raste u gjetën në grupin e placebo – e barabartë me një efikasitet prej 91.6%. Prova përfshiu 2 144 persona mbi moshën 60 vjeç dhe një në një analizë të kryer në këtë grup zbuloi se vaksina kishte një efikasitet të ngjashëm prej 91.8%, raporton CNN.

Ekipi gjithashtu analizoi efikasitetin e vaksinës kundër sëmundjes së rëndë dhe të moderuar Covid-19 dhe 21 ditë pas dozës së parë nuk u raportuan raste të rënda ose të moderuara në grupin e vaksinuar, ndërsa 20 persona u raportuan në grupin e placebo.

Rastet e rënda anësore të lidhura me vaksinimin ishin gjithashtu të rralla – në më pak se 0.2% e njerëzve që morën vaksinën. Shumica e efekteve anësore që u raportuan ishin anësore të lehta, të tilla si dhimbje në vendin e injektimit, simptoma të gripit dhe nivele të ulëta të energjisë, sipas studimit.

Analiza përfshin vetëm raste simptomatike të Covid-19, megjithatë, dhe autorët vërejnë se kërkohen më shumë hulumtime për të kuptuar efikasitetin e vaksinës kundër transmetimit asimptomatik të Covid-19 dhe sa mund të zgjasë mbrojtja.

Shumica e pjesëmarrësve në provë ishin gjithashtu njerëz të  bardhë, kështu që kërkimi i mëtejshëm është i nevojshëm për të konfirmuar rezultatet nëpër grupe të tjera racore. Prova është gjithashtu në vazhdim dhe synon të përfshijë një total prej 40 000 pjesëmarrësish.

(d.xh. Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb