Nora Gjakova në garimin e sotëm i siguroi medaljen e dytë të artë Kosovës në Lojërat Olimpike të Tokios.

Ajo dominoi në kategorinë deri në 57 kilogramë, për t’u shpallur kampione olimpike. Kështu, ajo iu bashkua Distria Krasniqit dhe Majlinda Kelmendit si kampionet e vetme olimpike nga Kosova.
Suksesi i Norës nuk u kalua pa u përmendur nga faqja zyrtare e Xhudos Botërore e cila me nje postim në Tëitter i ka konsideruar femrat në ekipin e xhudos legjenda.

“Nora Gjakova – kampione olimpike. Trendi legjendar vazhdon për ekipin kosovar të femrave, teksa Nora rrëmben medaljen e tretë për Kosovën në Lojërat Olimpike – të trija në xhudo” – shkroi faqja zyrtare e Xhudos Botërore në Twitter.

(BalkanWeb)