Volodymyr Zelensky në një konferencë për shtyp të mërkurën, ka komentuar zhvillimet e djeshme në Arabinë Saudite ku zyrtarët amerikanë dhe ukrainas u takuan për bisedimet e paqes mes Ukrainës dhe Rusisë.

“Nëse Rusia refuzon propozimet e bëra gjatë takimit të delegacioneve ukrainase dhe amerikane në Jeddah, ne mund të llogarisim në hapat e fortë të Shteteve të Bashkuara drejt palës së saj”, tha ai

Sipas presidentit ukrainas, Rusia duhet të përgjigjet ndaj propozimit 30-ditor të armëpushimit i cili u diskutua në bisedimet në Arabinë Saudite.

“Hapa të fortë drejt palës ruse. Kuptimi im është se ne mund të mbështetemi në hapa të fortë. Nuk i di ende detajet, por ne po flasim për sanksione dhe mbështetje për Ukrainën. Gjithçka varet nga Rusia.” theksoi Zelensky

Në të njëjtën kohë, ai e bëri të qartë se Kievi nuk do të njohë kurrë asnjë njohje të territoreve të pushtuara nga Rusia.

“Ne nuk do të njohim asnjë territor të pushtuar nga Rusia. Ky është një fakt. Populli ynë luftoi për këtë, heronjtë tanë dhanë jetën. Sa u plagosën, sa mbijetuan? Prandaj, askush nuk do ta harrojë këtë.” përfundoi lideri ukrainas

Zelensky shtoi se Ukraina është e gatshme të nënshkruajë një marrëveshje kornizë me SHBA-në për mineralet e rralla të tokës.

(BalkanWeb)