VLORE– Pas paralajmërimeve të forta që dhanë sot kryeministri Edi Rama dhe kreu i Policisë së Shtetit, Haki Çako për goditje të çdo rasti kriminal të trafikimit të drogës, policia ka ‘zbarkuar’ në Novolesë të Vlorës.

Ka qenë pikërisht zëdhënësi i Policisë së Shtetit, Gent Mullai ai që deklaroi se aktualisht Policia Kufitare, Delta Forcë e Drejtorisë Vendore në Policisë Vlorë po ndërmerr një aksion antikanabis në pyllin e Dëllënjës në Njësinë Administrative Novoselë Vlorë. Prej kohësh aksioni policor është shtrirë në mbarë vendin, ndërsa janë asgjësuar dhe sekuestruar sasi të mëdha droge.

Ditën e sotme kreu i qeverisë dhe ai i Policisë së Shtetit deklaruan nga mbledhja e Task Force se nuk do të ketë asnjë kompromis ndaj trafikantëve të drogës por edhe aseteve që vijnë nga kjo veprimtari e paligjshme.

(ed.me/BalkanWeb)