Situata në terren pas tërmetit me magnitudë 7.8 që tronditi Turqinë dhe Sirinë të hënën është “më katastrofike” në Siri, sipas drejtorit të vendit në Gaziantep, Turqi, për Fondacionin e Shoqërisë Mjekësore Siriane Amerikane (SAMS).

“Është një situatë katastrofike si në Turqi ashtu edhe në Siri, edhe pse në Siri është më katastrofike”, tha Dr. Bachir Tajaldin për CNN.

Mbi një dekadë konflikti në Sirinë veriore ka nxitur “një situatë të keqe ekonomike” duke e bërë shumë të vështirë përgjigjen ndaj krizës aktuale, sipas Tajaldin.

Në të kundërt, “situata në Turqi është e koordinuar nëpërmjet një qeverie shumë të mirëvendosur,” shpjegoi ai, duke shtuar se në Sirinë veriore “shumica e shërbimeve ofrohen nga OJQ” për shkak të mungesës së investimeve afatgjata në rimëkëmbjen e hershme dhe infrastrukturës.

Siria Veriperëndimore, e cila është prekur nga tërmeti, ka qenë duke luftuar që nga lufta civile në vend. Disa pjesë, duke përfshirë Idlib, janë ende të  kontrolluara nga rebelët antiqeveritar .

 

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb