Dashuri në kohen e Covid-19. Dy të rinj izraelit kurorëzuan dashurinë e tyre, në kushte tepër të pazakonta. Edhe pse kishin shpërndarë ftesa të shumta, vetëm familjarët e afërt ishin të pranishëm në ditën më të lumtur të jetës së tyre. Të ftuarit e tjerë ishin të izoluar në shtëpi për shkak të koronavirusit dhe vendimi i fundit i qeverisë lejon zhvillimin e dasmave me vetëm 10 të ftuar.

Ndryshe e kishin imagjinuar, e megjithatë, kjo periudhë krize globale nuk ua prishi ditën. “Është ndryshe nga se e kishim imagjinuar, por mbetet perfekte”, tha nusja Roni Ben-ari.

“Është ndryshe dhe një mënyrë unike për t’u martuar. Po mësohemi me situatën”, u shpreh dhendri Yonatan Meushar. Disa nga miqtë e çiftit përdorën teknologjinë për të qenë pjesë në dasme, në një farë mënyre. Të sapo martuarit kryen të gjitha ritualet tradicionale dhe mes tyre edhe vallëzimin e parë si burrë dhe grua, dukshëm dhe në këto pamje.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb