TIRANE
Që prej 26 Shkurtit përfaqësuesit e PD-së nuk kishin shkelur në Komisionin Qendror të Zgjedhjeve. Por duket se demokratët po ndryshojë strategji sa i takon procesit të organizimit të zgjedhjeve lokale.
Në mbledhjen e KQZ të kësaj të premteje, pas mbi dy muaj e gjysëm mungesë, i dërguari ligjor i PD-së Njazi Kosovrasti, jo vetëm që u ul në karrigen që prej vitesh mban, por edhe u përfshi në debat me nënkryetarin e Komisionit, Denar Biba.
Shkak u bënë kërkesat e Kosovrastit mbi organizimin e zgjedhjeve nga administrata e KQZ-së. Biba bëri të qartë se Kosovrasti nuk kishte të drejtë të ndërhynte pasi PD nuk është regjistruar në zgjedhje.
Fakti që PD nuk është regjistruar në zgjedhjet e 30 qershorit, shtoi intensitetin e debatit.
Pjesëmarrja e përfaqësuesit të PD-së në mbledhjen e KQZ-së vjen një ditë pasi sekretari i Përgjithshëm demokrat Gazment Bardhi pranoi se opozita mund të dërgojë emrat për anëtarë të KZAZ-ve. Bardhi saktësoi se nisur nga fakti se po kryhen manipulime të rënda të procesit zgjedhor, po merret në konsideratë dërgimi i anëtarëve në këto komisione për të dokumentuar dhe çmontuar paligjshmërinë, si dhe për të provuar ligjërisht që kryeministri Rama nuk garanton zgjedhje legjitime, edhe kur përballë nuk ka kundërshtarë.
(BalkanWeb)