TIRANË
Partia Demokratike akuzon Drejtorin e Sigurisë Publike në Policinë e Shtetit, Gjovalin Loka, i cili kaloi sot vettingun si ‘ish-sigurims’.
Ish-deputeti i PD, Klevis Balliu thotë se Gjovalin Loka u konfirmua në detyrë në shkelje të ligjit pasi bashkëpunëtorët dhe oficerët e Sigurimit të Shtetit ndalohen të shërbejnë në radhët e Policisë.
Sipas tij, të gjithë janë anëtarë të së njëjtës bandë, që vazhdojnë të përdorin metodat e Sigurimit të Shtetit, raprezaljet kundër opozitës dhe kritikëve të qeverisë për të mbajtur në këmbë një pushtet të kalbur .
POSTIMI I PLOTË
Sot Policia e Shtetit është njohur zyrtarisht si institucioni që drejtohet nga ish spiunet e Sigurimit të Sjtetit, strujturës më shkatërruese për jetën dhe dinjtetin e njeriut gjatë regjimit komunist.
Vetingu në polici konfirmoi në krye të policisë nunrin 2 rë saj, Gjovalin Loka, njëkohësiht përgjegjës për sigurinë publike. Ish sigurimsi i shtetit, u konfirmua në detyrë nga vetingu partiak në polici, pavarësisht se ai e kishte fshehur detyrën e operativit të Sigurimit dhe pavarësisht se ligji e ndalon kategorisht një sigurims të jetë pjesë e policisë së shtetit.
Neni 38/g i ligjit për vetingun në polici shprehet se “bashkëpunëtorët dhe oficerët e Sigurimit të Shtetit ndalohen të shërbejnë në radhët e Policisë”. Komisioni, që mori vendimin e paligjshëm nuk e ka tagrin të vlerësojë, nëse Gjovalin Loka ka qenë sigurims i mirë apo i keq.
Të gjithë janë anëtarë të së njëjtës bandë, që vazhdojnë të përdorin metodat e Sigurimit të Shtetit, raprezaljet kundër opozitës dhe kritikëve të qeverisë për të mbajtur në këmbë një pushtet të kalbur dhe të dëmshëm për qytetarët.