Vetëm 19 vjeç, por kartoni i tij në tregun e transferimeve kushton minimalisht 100 mln euro. Jude Bellingham është kthyer në një nga lojtarët më të kërkuar në treg, sipas ESPN, në verë pritet që për mesfushorin të zhvillohet një garë e ethshme mes klubeve të mëdha evropiane, pasi së fundmi interesim për të ka shfaqur edhe Man.City.
“Qytetarët” janë të fundit që futen në garë pasi për Bellingham interesohen edhe Real Madrid e Liverpool. Klubi i B.Dortmund nuk pritet të bëhet pengesë, janë të gatshëm të lënë të lirë mesfushorin, por kërkojnë që Bellingham të vendos, të përcaktojë të ardhmen e tij.
Verdhezinjtë ia kanë bërë të qartë mesfushorit se mund të largohet, por duhet të vendos brenda javëve të ardhshme se ku do të transferohet, çfarë planesh ka për sezonin 2023/24.
(BalkanWeb)