BRITANIA E MADHE 

Joanna Dennehy është vrasësja më e rrezikshme në Europë dhe është nga Britania e Madhe. Ajo ka thyer “rekord”, pasi ka vrarë 3 burra për 10 ditë.

Dennehy është dënuar me burgim të përjetshëm, ndërsa jeta e saj si kriminele është bërë dokumentar. Në mars të vitit 2013, policia angleze gjeti trupat e tre burrave në gropa të ndryshme. Viktimat ishin ekzekutuar nga kjo grua, shkruajnë mediat në gjuhën angleze.

Gruaja ka përdorur madje metoda që janë të çuditshme, gjatë vrasjeve që ka kryer. Njërit prej viktimave, të quajtur Kevin Li, Dennehy ia kishte hedhur kufomën pasi i kishte veshur një fustan të zi në pjesën e sipërme të trupit. Ajo u kap, pasi plagosi edhe dy burra të tjerë, pas vrasjes të tre burrave më herët.

Joanna Dennehy bëhet kështu gruaja e dytë në të gjithë Britaninë e Madhe që merr dënim të përjetshëm. Hetuesit, duke u nisur nga metodat e saj jashtëzakonisht të çuditshme e ç’nderuese, e kanë konsideruar si “kriminelen më të rrezikshme në Europë”.

(d.xh/Balkanweb)