Kosova do të përballet me Zvicrën në një takim miqësor që të do të zhvillohet me 29 mars të këtij viti. Lajmi është konfirmuar nga kombëtarja helvete nëpërmjet një postimi në faqen zyrtare në “Twitter”.
Në muajin mars, Zvicra do të përballet edhe me Anglinë. Takimi me “3 Luanët” do të luhet më 26 mars. Për sa i përket përballjes ndaj dardanëve, ajo do të zhvillohet në stadiumin e Zyrihut.
Një duel special ky, duke pasur parasysh faktin se Zvicra ka në përbërje një numër të konsiderueshëm futbollistësh me origjinë shqiptare. E gjithë vëmendja do të jetë padyshim te Shaqiri dhe Xhaka.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
