Presidenti Ilir Meta uron perandorin japonez Naruhito i cili feston 60- vjetorin këtë vit. Meta shprehet se Shqipëria dhe Japonia kanë një partneritet të jashtëzakonshëm dhe efektik.

Po ashtu ai e vlerëson Japoninë për solidaritetin, mbështetjen dhe ndihmën bujare teknike dhe financiare ndër vite kundrejt Shqipërisë.

Në tetor të vitit të kaluar Meta ishte në Tokio, në ceremoninë e kurorëzimit të perandorit japonez, Naruhito. Në maj të 2019 babai i tij Akihito i dha fund ‘sundimit’ të tij 30- vjeçar për t’ja lënë kurorën të birit.

Deklaratë e Presidentit të Republikës, Sh.T.Z. Ilir Meta me rastin e ditëlindjes së Madhërisë së Tij, Perandorit të Japonisë

18 shkurt 2020

Në emrin tim si President i Republikës dhe popullit të Shqipërisë, do të doja të dërgoja urime të ngrohta për Madhërinë e Tij, Perandorin, me rastin e ditëlindjes së tij më 18 shkurt dhe ta uroj Japoninë në këtë ditë Feste Kombëtare.

Isha me të vërtetë i nderuar të vizitoja Japoninë në muajin tetor, duke sjellë angazhime konstruktive këtë vit midis udhëheqjes së dy kombeve tona, ndërsa ne punojmë së bashku për të adresuar sfidat globale. Japonia është një partner jashtëzakonisht i rëndësishëm i Shqipërisë, me kontribute të jashtëzakonshme në zhvillimin ekonomik dhe shoqëror të vendit.

Japonia dhe Shqipëria kanë krijuar një partneritet efektiv bazuar në vlerat dhe interesat tona të përbashkëta. Shqiptarët janë shumë mirënjohës për solidaritetin, mbështetjen dhe ndihmën bujare teknike dhe financiare të dhënë ndër vite, që kanë forcuar më tej ndjenjën e miqësisë së popullit shqiptar për Japoninë dhe popullin japonez.

Ne i lavdërojmë përpjekjet e Japonisë për forcimin e institucioneve demokratike, avancimin e fuqizimit të grave, promovimin e zhvillimit të qëndrueshëm ekonomik, përgjigjen bujare ndaj sfidave globale dhe forcimin e sundimit të ligjit në të gjithë botën.

Shqipëria është e angazhuar në forcimin e mëtejshëm të aleancës tonë të palëkundur me Japoninë përmes bashkëpunimit të vazhdueshëm në vitet në vazhdim.

Ne i urojmë popullit japonez paqe dhe begati edhe në vitet e ardhshme.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb