TIRANE- Anëtarët e PD kanë braktisur mbledhjen e Komisionit të Ligjeve, por duket se nuk kanë bërë të njëjtën gjë anëtarët e LSI të cilët janë gjithashtu në opozitë. Këta të fundit kanë qëndruar në mbledhjen e Komisionit ku po zhvillohet seanca dëgjimore me komisionerët e Avokatit të Popullit.

Përfaqësuesi i PD, Eduart Halimi tha se Avokati i Popullit ka kërkuar ndërprerjen e procedurës dhe hapjen nga e para të garës, ndërsa përfaqësuesi i PS, Ulsi Manja tha se Avokati i mëparshëm ishte në detyrë kur hapi garën për 5 komisionerë.

Debatet:

Ulsi Manja: Avokati i mëparshëm ishte në detyrë kur hapi garën për 5 komisionerë.
Eduart Halimi: Procedura u hap nga avokati i parë në largim dhe ka kërkuar ndërprerjen e procedurës. Avokati i Popullit ka kërkuar hapjen nga e para të garës. Kërkojmë të anulohet procedura. Mbështesim kërkesën e Avokatit të Popullit.
Ulsi Manja: Avokati i Popullit i mëparshëm nuk është në shkelje të ligjit.

(d.d/BalkanWeb)