Një anëtar i grupit përfaqësues të Islandës në Eurovision 2021, ka rezultuar pozitiv me COVID-19. Daði og Gagnamagnið do të mbetet në garë, por nuk do të interpretojë në provën e sotme ose shfaqjen e drejtpërdrejtë natën e nesërme (e enjte) kur edhe është gjysmëfinalja e dytë.

Frontmeni i grupit, Daði Freyr, dha lajmin në Twitter të mërkurën, shkruan BBC.
“Ne të gjithë kemi qenë jashtëzakonisht të kujdesshëm gjatë gjithë udhëtimit, kështu që kjo vjen si një befasi e madhe”, shkroi ai.

“Ne jemi shumë të kënaqur me performancën dhe jemi shumë të ngazëllyer për të gjithë që do ta shihni atë”, tha Daði. Në vend të një shfaqje të drejtpërdrejtë, do të përdoret një regjistrim nga një provë e mëparshme.

Një anëtar i ekipit të Islandës kishte rezultuar pozitiv për COVID-19 në fundjavë, por të hënën, grupi tha që të gjitha testet e pjesëmarrësve të tjerë kishin dalë negative.

Ata të gjithë kanë qenë të izoluar në një hotel dhe duke bërë teste të rregullta gjatë javës. Nesër (e enjte) në gjysmëfinalen e dytë do të prezantohet edhe Shqipëria nga Anxhela Peristeri me këngën “Karma”, e cila në renditje është e njëmbëdhjeta me radhë.