Një makinë ka marrë flak në një garazh në Fier. Ngjarja ndodhi në lagjen ‘1 Maj’. Gazetari Ervis Kuçi raporton për “BalkanWeb” se zjarri ka rënë në një pallat të banuar me qytetar. Ndërkohë në vendin e ngjarjes ndodhen dy automjete të shërbimit të zjarrfikëses, të cilat po bëjnë të mundur shuarjen e flakëve.

Deri më tani nuk dihen motivet e flakëve e nese zjarri ka qene aksidental apo jo. I gjithë parkimi është përfshirë nga tymi.

Po evakuohen banore te kateve të para të pallatit. Mësohet se kane marre flake edhe disa goma që ndodhen brenda parkimit.

NJOFTIMI I POLICISE
Sot rreth orës 14:40, në lagjen “1 Maj” Fier, në automjetin në pronësi të shtetasit T. H., parkuar në garazhin e pallatit, ka rënë zjarr.

Nga shërbimet e Policisë dhe shërbimet e zjarrfikëses u bë evakuimi i banorëve dhe fikja e zjarrit. Me ndërhyrjen e zjarrëfikseve zjarri u shua. Grupi hetimor po punon për përcaktimin e shkakut të rënies së zjarrit.

(BalkanWeb)