LAC – Një studio montazhi është përfshirë nga flakët pasditen e sotme në Laç, për shkaqe ende të panjohura.
Burime nga policia lokale bëjnë të ditur për “BalkanWeb” se pronari i subjektit privat ka pësuar djegie të shumta në trup, në përpjekje për të shuar flakët që kishin përfshirë studion e tij.
Mësohet se pronari Vladimir Gjoni u dërgua në Qendrën e Traumës në Tiranë, pasi gjendja e tij është e rëndë.
Forcat zjarrfikëse kanë lokalizuar flakët duke shmangur përhapjen e tyre në ndërtesa të tjera. Ndërkohë po punohet për zbardhjen e shkaqeve të rënies së zjarrit.
(er.nu/BalkanWeb)