Ka përfunduar Festivali i Fenerëve në Seul, një nga më unikët në botë në llojin e tij. Ajo zhvillohet në Korenë e Jugut, për 13 vite radhazi dhe mezipritet nga turistët vendas e të huaj.

Festivali i Fenerëve të Seulit nisi më 26 Nëntor për të ndriçuar qendrën e qytetit me më shumë se 80 fenerë letre, për një periudhë 10-ditore.

Motoja e këtij viti ishte një temë që synon të shërojë dhe t’u japë paqe qytetarëve pas një periudhe shumë të vështirë me koronavirus.

Pasi u nda në katër lokacione të ndryshme vitin e kaluar për shkak të pandemisë, këtë vit festivali u kthye në shtëpinë e tij përgjatë Përroit Cheonggye që përshkon qendrën e Seulit.