Pasi publikoi dy përgjime të reja në lidhje me dosjen “Babale”, ku thuhet se implikohen drejtpërdrejt drejtuesit e Policisë së Fierit, të cilët nga përgjimet dalin sikur kanë paguar Alizotin, i etiketuar si dëshmitari i rremë, Ervin Salianji bën një tjetër lëvizje.
Ish-deputeti demokrat i marrë si i pandehur për këtë çështje ka vendosur sot të kallëzojnë penalisht drejtuesit e policisë së Fierit dhe prokurorët e çështjes.
Sipas tij “Narkoshteti nuk mund t’ja dalë kësaj here”.
Salianji tha më herët se prokuroria nuk i ka zbardhur qëllimisht përgjimet e Alizotit me drejtorin e Policisë së Fierit, ndërsa drejtues të lartë në këtë komisariat janë përgjuar disa herë me Alizotin, të cilit i kanë dhënë para për të dhënë një dëshmi të rreme në lidhje me çështjen “Babale”.
(m.a/BalkanWeb)
