Policia izraelite është përleshur me besimtarët palestinezë në xhaminë Al-Aksa në Jerusalem duke arrestuar 350 persona.

Mediat e huaja shkruajnë se gjatë përleshjes janë përdorur gaz lotsjellës dhe plumba gome dhe si pasojë plagosur 14 persona.

Militantët në Rripin e Gazës më vonë hodhën nëntë raketa në drejtim të Izraelit dhe ushtria e tij kreu sulme ajrore si kundërpërgjigje. Dhuna e fundit vjen pak përpara një mbivendosjeje midis muajit të shenjtë të Ramazanit dhe festës së Pashkës hebreje.

Policia e vendit deklaroi se disa të rinj të maskuar fortifikuan xhaminë “me qëllim që të prishnin rendin publik dhe të përdhosnin xhaminë”.

“Pas përpjekjeve të shumta dhe të zgjatura për t’i nxjerrë ata duke folur pa dobi, forcat e policisë u detyruan të hyjnë në kompleks për t’i nxjerrë jashtë me qëllimin për të lejuar faljen e namazit të mëngjesit dhe për të parandaluar një trazirë të dhunshme. Kur policia hyri brenda, u hodhën me gurë dhe u gjuajtën fishekzjarrë nga brenda xhamisë nga një grup i madh personash”, thuhet në deklaratë.

Kjo ngjarje u konsiderua si sulm ndaj besimtarëve myslimanë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb