Të paktën 27 fëmijë janë vrarë në Afganistan brenda tri ditëve, si pasojë e luftimeve në mes të talibanëve dhe forcave qeveritare, kanë thënë Kombet e Bashkuara.
Agjencia për fëmijë e OKB-së, UNICEF, ka thënë se është shokuar nga “përshkallëzimi i shpejtë i dhunës kundër fëmijëve”.
Talibanët kanë shënuar fitore të mëdha në këtë shtet, ndërkohë që tërhiqen forcat e huaja, duke fituar kontrollin e të paktën gjashtë kryeqyteteve rajonale nga dita e premte.
Ata kanë hedhur poshtë thirrjet ndërkombëtare për armëpushim.
Përmes një deklarate të hënën, UNICEF, ka thënë se mizoritë që po kryhen kundër fëmijëve janë duke u rritur “ditë pas dite”.
Të 27 viktimat janë regjistruar në tri province, Kandahar, Kost dhe Patkia.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
