Të paktën 14 persona u vranë në një përleshje midis grupeve të minatorëve të arit në departamentin Arequipa të Perusë jugore.

Shtatë trupa u gjetën të shtunën me plagë të shkaktuara nga armët e zjarri dhe shtatë të tjerë u gjetën të martën, ndërsa më shumë trupa mund të zbuloheshin pasi disa njerëz mbeten të zhdukur, tha prokurorja e Arequipa, Maria del Rosario Lozada për rrjetin peruan të lajmeve Radio Programas del Peru.

Dhuna shpërtheu më 2 qershor në një zonë të diskutueshme të quajtur Huanaquita në distriktin Atico, provincën Caraveli, sipas gazetës lokale El Comercio.

Autoritetet kanë arrestuar 31 persona në lidhje me incidentin dhe do të kryejnë teste balistike mbi armët e zjarrit dhe municionet e gjetura për të përcaktuar rolin e tyre në ngjarje, tha Lozada.

Prokuroria po analizon videot dhe audiot e ngjarjes për të identifikuar autorët.

Luis Pacheco, kreu i policisë së Arequipa, tha se trafiku mbetet i kufizuar në Autostradën Pan-Amerikane Jugore, ku banorët lokalë bllokuan rrugën të martën për të kërkuar nga autoritetet të marrin masa pas përleshjes.