Presidenti amerikan Joe Biden raportohet se po planifikon një udhëtim drejt Polonisë më vonë këtë muaj në përvjetorin e pushtimit rus të Ukrainës, ndërsa bëhet me dije se plani aktual është që udhëtimi të bëhet në fund të shkurtit, megjithëse ende nuk është bërë një njoftim zyrtar nga Shtëpia e Bardhë.

Këshilli i Sigurisë Kombëtare deri më tani ka refuzuar të komentojë mbi këtë çështje dhe është gjithashtu e paqartë nëse do të ketë ndonjë ndalesë shtesë evropiane gjatë udhëtimit të kreut të Shtëpisë së Bardhë.

Lufta filloi më 24 shkurt 2022 me Biden që thuhet se po shqyrtonte mundësinë e vizitës së Evropës, përfshirë Poloninë, për të përkujtuar shpërthimin. Shtëpia e Bardhë thuhet se dëshiron të kërkojë mënyra për të nxjerrë në pah qëndrueshmërinë e Ukrainës përballë fushatës ushtarake të Rusisë, ndërsa demonstron mbështetje të vazhdueshme nga Shtetet e Bashkuara për popullin ukrainas, teksa konflikti përgatitet të hyjë në vitin e tij të dytë.