ZVICER – Valon Berhami është një nga futbollistët më të njohur shqiptar që luan me kombëtaren zviceriane. Në muajin shkurt të këtij viti, futbollisti dhe ish-bashkëshortja e tij, Elena Bonzanni i dhanë fund marrëdhënies së tyre.

Untitled-1

Ata treguan se për ta kishte qenë një vendim i vështirë, duke qenë se janë dhe prindër të dy vajzave. Megjithatë një muaj pas ndarjes Valoni filloi një lidhje të re me skiatoren, Lara Gut.

Duket se brenda pak muajsh marrëdhënia e tyre është konsoliduar dhe ata kanë vendosur ta kurorëzojnë dashurinë në martesë. Ka qenë vetë Valoni që ka publikuar në ‘Instagram’ një foto të tyre si nuse dhe dhëndër në Lugano, Zvicrës.

Untitled-2

“Ti dhe unë, familjet tona dhe miqtë e ngushtë rreth nesh…Nuk mund ta imagjinoja një mënyrë më të bukur për të thënë: ‘Pranoj’”, – ka shkruar futbollisti shqiptar bashkangjitur fotografisë.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: