Nga: ZONJA VJOLLCA*
600 gr peshk
2 lugë gjelle lëng limoni
1 finok
300 gr qiqra
1 kokërr qepë
2 thelpinj hudhër
2 lugë gjelle vaj ulliri
400 gr domate të grira
300 ml lëng perimesh
150 ml verë të bardhë
2 lugë gjelle kaperi
2 lugë gjelle majdanoz
Kripë
Piper i zi
Piper i kuq
Fillimisht marinojmë peshkun me lëng limoni. Në një tigan të thellë (ose tenxhere) nxehim vajin duke shtuar dhe kaurdisur qepën me hudhrat për 2 minuta, më pas shtojmë finokun e prerë në shirita dhe vazhdojmë kaurdisjen dhe për 2-3 minuta të tjera, duke shtuar më pas domatet e prera në kubikë. Sapo domatet të fillojnë të ziejnë i shuajmë me verë të bardhë dhe lëng perimesh. E rregullojmë gatimin me kripë, piper të zi dhe piper të kuq, vendosim kapakun dhe e lemë në temperaturë mesatare të ziejë për 20 minuta. Në fund shtojmë copat e peshkut, qiqrat e ziera, kaperin dhe majdanozin e grirë.
(er.nu/vila24/BalkanWeb)