Pushuesit e një plazhi në Spanjë janë tmerruar së tepërmi kur një peshkaqen, rreth 8 metra i gjatë u shfaq në breg të detit.

Plazhistët ishin të shumtë në ato momente në plazh, por teksa pikasën praninë e grabitqarit ujorë dolën me shpejtësi të tmerruar.

Për mediat, pushuesit, kryesish britanikë janë shprehur të tmerruar:

“O zot, ishte tepër i madh, përpëlitej në ujë. Nuk e keni idenë se sa e frikshme ishte ta shikoje nga afër”.

Sakaq, policë të zonës, por edhe rojet bregdetare kanë mundur ta shpëtojnë peshkaqenin dhe ta lejojnë të notojë në thellësi.

(BalkanWeb)