Pianisti me famë botërore, ruso-gjermani Igor Levit planifikon të luajë një muzikë të vetme që zgjat 20 orë për të rritur ndërgjegjësimin për problemet e artistëve mes pandemisë koronavirus.
Levit luajti dje “Vexations”, nga Erik Satie, një nga pjesët më të gjata në historinë e muzikës, i përbërë nga disa nota të luajtura deri në 840 herë.
“Këto kohë janë brutale për artistët – fizikisht, mendërisht dhe emocionalisht. Kjo është arsyeja pse kjo pjesë funksionon aq mirë, mendoj, për të rritur ndërgjegjësimin për atë që po kalojmë”, tha 33-vjeçari për DPA-në.
Koncerti i Levit filloi dje në orën 12:00 GMT dhe përfundon sot në mesditë.
Ai po transmetohet nga një studio në Berlin përmes disa kanaleve të medieve sociale duke përfshirë llogaritë e muzikantit në Instagram dhe Twitter.
“Artistët kanë nevojë për skenën. Situata aktuale është jashtëzakonisht e vështirë”, theksoi ai.