Milan u kurorëzua kampione e Serie A pak javë më parë, pas një sezoni fantastik. “Arikitekti” i kësaj skuadre, Stefano Pioli është rikthyer të flasë për mediat, ku titullin e cilëson si një pikënisje.
Tashmë te klubi kuqezi po shohin nga sezoni i ardhshëm, me grupin që është më i bashkuar se kurrë. “Timonieri” ndjehet i lumtur për komplimentet që ka marrë këtë periudhë, të cilat për hir të së vërtetës kanë qenë të shumta. Sekreti? Ekipi qëndron në momente të vështira.
“Unë mund të jem i lumtur vetëm me komplimentet e shumta të marra. I ndaj me klubin dhe një grup lojtarësh që gjithmonë kanë dhënë më të mirën. Ata kanë besuar gjithmonë në atë, në cilësitë dhe trajnerin e tyre.Ekipi qëndron në momente të vështira, duke na dhënë kënaqësi të madhe. Për këtë arsye, titulli duhet të jetë një pikënisje. Ne e dimë se kemi arritur diçka të rëndësishme, veçanërisht për një grup tifozësh që nuk e kishin parë ekipin e tyre të fitonte për një kohë të gjatë” – tha ai.
(BalkanWeb)