ANKARA

Një fëmijë dhe një grua kanë humbur jetën dhe tre civilë të tjerë janë plagosur si pasojë e shpërthimit të një mine të vendosur nga organizata terroriste PKK/YPG në rajonin verior sirian Tal Abyad, njoftoi Ministria turke e Mbrojtjes.

Mina ka shpërthyer gjatë kalimit të një automjeti civil në zonën kufitare të Tal Abyadit, tha ministria.

Tal Abyad është një nga rajonet ku Turqia në tetor nisi operacionin antiterrorist “Burimi i Paqes”.

Në fushatën e saj terroriste mbi 30-vjeçare kundër Turqisë, PKK, e listuar si një organizatë terroriste nga Turqia, SHBA dhe Bashkimi Evropian, ka qenë përgjegjëse për vdekjen e 40 mijë personave, përfshirë shumë gra, fëmijë dhe foshnja. YPG është dega siriane e PKK-së.//AA

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb