Policia e Vlorës ka vënë në pranga ditën e sotme edhe një 50-vjeçar, pasi nuk ka kallëzuar plagosjen më thikë të një 52-vjeçari një ditë më parë.

Sipas policisë 50-vjeçari ka qenë në vendngjarje kur është plagosur me thikë pas një debati banal 52-vjeçari, dhe nuk ka rrëfyer.  Ndërkohë kujtojmë se autori 32-vjeçar, është arrestuar dje ndërsa i plagosuri ndodhet nën kujdesin e mjekëve në spital.

Njoftimi i policisë:

Nga specialistët për Hetimin e Krimeve të Komisariatit të Policisë Vlorë, në vijim të veprimeve për ngjarjen e ndodhur ditën e djeshme, për të cilën u vu në pranga nga Policia, shtetasi A. M., 33 vjeç, i cili pas një konflikti për motive të dobëta, plagosi me mjet prerës (thikë), shtetasin G. S., 52 vjeç, i cili ndodhet në spital, u bë edhe arrestimi i shtetasit S. J., 50 vjeç, pasi ka rezultuar se ka qenë në vendin e ngjarjes dhe nuk ka kallëzuar krimin.

Nga specialistët për Hetimin e Krimeve të Komisariatit të Policisë Sarandë, në bashkëpunim me shërbimet e DVP Dibër, u bë kapja dhe ndalimi i shtetasit Bilall Islami, 30 vjeç, banues në Peshkopi, pasi Gjykata e Shkallës së Parë Sarandë e ka dënuar me 20 ditë burg, për veprën penale “Kalimi i paligjshëm i kufirit shtetëror”.

Materialet iu referuan Prokurorisë, për veprime të mëtejshme.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: