Dy persona janë arrestuar nga Policia e Lezhës, pasi akuzohen për vjedhje. Sipas uniformave blu, të arrestuarit i kanë vjedhur një personi 600 mijë lekë, teksa ky i fundit i kishte lënë në çantë, kur po luante me fëmijët në park.
Njoftimi i policisë:
Lezhë
Policia vë në pranga dy shtetas si autorë të vjedhjes monetare prej 60.000 lekë ( të reja) një shtetasi
Të arrestuarit me preçedentë të mëparshëm në fushën e vjedhjes
Specialistët për Krimet, në Komisariatin e Policisë Lezhë, identifikuan dhe arrestuan në flagrancë shtetasit E.C. dhe P.D. banues në Lezhë për veprën penale ” Vjedhja’ kryer në bashkëpunim”
Këta dy shtetas, në bashkëpunim me njëri tjetrin, i kanë vjedhur shtetasit S.K. shumën monetare prej 60.000 lekë të reja të cilat i kishte lënë në çantë kur po luante me fëmijët në park.
Në cilësinë e proves materiale, dy shtetasve të arrestuar iu gjetën dhe sekuestruan një pjesë e shumës monetare të vjedhur.
Materialet procedurale ju referuan Prokurorisë së Rrethit Gjyqësor Lezhë për veprime të mëtejshme.
(BalkanWeb)