Ish-deputetja, Floida Kërpaçi ka mbajtur fjalën e saj gjatë protestës së Partisë së Lirisë në inceneratorin e Tiranës.
Kërpaçi tha qytetarët po paguajnë për inceneratorët më shumë se kur ishte një vend depozitimi i thjeshtë sepse po përfshihet taksa e korrupsionit.

“Në këtë vend incenerim dhe prodhim energjie nuk ka. Vend depozitimi kishim dje, kemi edhe sot. Diferenca është se paguajmë më shumë pasi përfshihet taksa e korrupsionit brenda. Ata e dinë mirë se nuk e justifikojnë dot investimin 128 mln euro me pemët që kanë mbjellë këtu. Paratë e hedhura këtu mund të investoheshin në arsim pasi ka buxhetin më të ulët në rajon, apo të rriteshin pagat e mësuesëve, mjekëve, apo pensionet. Asgjë nga këto nuk është prioritet për këta të ‘Rilindjes’ ndërsa qytetarët vetëm, varëfrohen. Forca e reagimit është përgjegjësia jonë më e madhe”, tha ajo.

(BalkanWeb)