Një gazetare e televizionit argjentinas u grabit, ndërsa gjendej në një transmetim të drejtpërdrejt teksa raportonte nga Katari për Kupën e Botës, me para dhe dokumente të vjedhura nga çanta e saj.

Sipas Daily Mail, Dominique Metzger ishte duke transmetuar nga zona Corniche e Dohas në ndeshjen e parë të Kupës kur ajo thotë se i ishin vjedhur gjërat e saj.

Duke folur pas incidentit, Metzger tha se ajo e raportoi incidentin në policinë lokale dhe u befasua nga përgjigja e tyre.

Ajo i tha rrjetit të saj Todo Noticias (TN) se zyrtarët premtuan të identifikonin të dyshuarin – dhe tha se mund të zgjidhte dënimin për grabitësin e dyshuar.

“Kisha me vete çantën time të vogël me të gjitha gjërat që duhen, portofolin tim, çelësat e dhomës sonë të hotelit…”, ka thënë Metzger.

“Po, po kërceja me turmën dhe jam e bindur se ishte në atë moment kur dikush hapi zinxhirin e çantës dhe më mori portofolin”.

Ndërsa grabitja nuk u kap nga kamera, pamjet e shfaqën atë duke kërcyer mes një turme me çantën e varur në anën e saj.

“Nuk e kuptova në atë moment. Isha në transmetim të drejtpërdrejt, me muzikë dhe turma rreth meje, dhe isha e fokusuar të flisja. Kështu që nuk i kushtova vëmendje”.

“Pasi mbarova raportin tim të drejtpërdrejtë, doja të merrja portofolin për të blerë një shishe uji dhe më pas kuptova që nuk e kisha atë”, tha ajo.