Rimëkëmbja e kriptomonedhave vazhdoi falë stabilizimit të tregut, qetësimit të lehtë të inflacionit dhe veçanërisht futjen e parave në ekonominë amerikane pas kolapsit të papritur të bankës Silicon Valley.

Falë kësaj dhe injektimit të 300 milionë dollarëve në ekonominë amerikane si pjesë e përgjigjes ndaj krizës bankare, Bitcoin vazhdoi me rimëkëmbjen dhe aktualisht ka vlerën prej 28,665 dollarëve.

Pas tij po rritet edhe Ethereum, i cili aktualisht po tregtohet me 1811 dollarë, raporton businesstoday.

Vlera e kriptomonedhave është rritur në mënyrë dramatike në dhjetë ditët e fundit pas vendimit të autoriteteve amerikane për të ndërhyrë dhe parandaluar humbjet e shkaktuara nga falimentimi i Silicon Valley Bank (SVB).

Kriptomonedha më e madhe Bitcoin, e cila për javë të tëra nuk mundi të stabilizohej ose të arrinte 25 mijë dollarë, tani po i afrohet 30 mijë dollarëve.

Disa ekspertë amerikanë të kriptomonedhës po parashikojnë rritje deri në 50,000 dollarë në vitin e ardhshëm.

Tregu i kriptove u trondit nga kolapsi më 10 mars i SVB, një huadhënës i madh për kompanitë e teknologjisë, pasi klientët e saj tërhoqën 42 miliardë dollarë depozita brenda një dite.

Bitcoin më pas ra në 19,694 dollarë.
Grupet legjislative në Shtetet e Bashkuara kanë njoftuar se do të ofrojnë gjithçka pas rënies së SVB.

Qeveria e Britanisë së Madhe ndërhyri dhe miratoi kompaninë financiare HSBC për të blerë një pjesë të operacioneve të bankës në këtë vend.

Në fillim të vitit 2023, vlera e Bitcoin ishte 17,000 dollarë, dhe vlera më e lartë e tij ishte 67,617 dollarë më 9 nëntor 2021.