Një shofer që kishte në makinë 380 kilogramë kokainë u arrestua në Francën jugperëndimore pas mbërritjes së tij nga Spanja, njoftoi Agjencia Franceze e Lajmeve (AFP), duke cituar një burim të afërt me hetimin.
Suksesi i Agjencisë Franceze kundër Drogës (OFAST) u shënua me sekuestrimin e 850 kilogramëve kanabis nga autoritetet doganore në fund të nëntorit.
Personat e OFAST-it që morën pjesë në hetim dyshuan se do të gjenin kanabis në makinën “e dyshimtë”, por u habitën kur zbuluan se ajo ishte e ngarkuar me kokainë. Ata vlerësojnë se droga kishte si destinacion veriun e Francës.
#AntiStups
🔎Après une minutieuse enquête menée par l'OFAST de la #PoliceJudiciaire toulousaine, un véhicule revenant de l'Espagne a été intercepté amenant l'importante saisie de :
▶️+ de 387 kilos de cocaïne
❌ 1 individu interpellé
La lutte #contrelestrafics continue ! pic.twitter.com/L2OeuIDeMO— Police Nationale 31 (@PoliceNat31) February 6, 2025
Në Francën jugperëndimore, pranë kufirit spanjoll, konfiskimet e kokainës kanë shënuar një rritje të konsiderueshme që nga viti 2023, duke tejkaluar 400 kilogramë në vit në dy vitet e mëparshme, thanë burime gjyqësore për AFP. Konfiskimet e para të vitit 2025 tashmë e kanë tejkaluar shumë këtë nivel, duke arritur në 545 kilogramë. Më 23 janar, 165 kilogramë kokainë u gjetën në një kamion në autostradën A9 në Pyrenees-Orientales. Dy italianë që ndodheshin në kamion u dënuan me pesë vjet burg.
