Trajnerët kanë metoda të ndryshme për të karikuar futbollistët para apo gjatë një ndeshjeje futbolli, por metodat e trajnerit Joaquin Caparros tek Majorka janë të një tjetër niveli.

Në sezonin 2012-2013, kur Majorka ndodhej në kulmin e betejës së vet për mbijetesë në La Liga, përpara ishte një sfidë tepër e vështirë me Atletik Bilbaon.

Trajneri i asaj kohe i Majorkas gjeti një metodë origjinale për të karikuar futbollistët e tij. Ai u shfaqi atyre një film pornografik dhe u kërkoi lojtarëve që të ishin më energjikë në fushën e lojës, njësoj si aktori në film.

Ai që ka bërë publik këtë detaj është Anderson Conceicao, ish-futbollist i Majorkas, që aktualisht luan për Philadelphia Union.

“Para ndeshjes trajneri Caparros na tregoi një video nga një film porno. Trajneri donte të na ngrinte moralin, por ne nuk e kuptuam idenë e tij, derisa na tha që tensioni unë në fushë duhet të ishte i njëjtë me atë të aktorëve porno”, rrëfen futbollisti.

E në fakt “strategjia” funksionoi në përmirësimin e shpirtit të skuadrës, sipas spanjolles “Sport”, por sërish Majorka humbi ndeshjen me rezultatin 1-0.

(d.b/TopChannel/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb