Qeveria portugeze njoftoi sot se i kishte kërkuar Brukselit dritën e gjelbër për një ndihmë të jashtëzakonshme deri në 463 milionë euro për kompaninë ajrore TAP në pritje të një vendimi mbi planin e ristrukturimit të grupit ajror.

“Kjo ndihmë do të bëjë të mundur plotësimin e kërkesave të menjëhershme të TAP në pritje të miratimit të planit të tij të ristrukturimit”, sipas një komunikate të Ministrisë së Financave dhe Infrastrukturës, e cila është përgjegjëse për transportin.

“Kjo ndihmë është e nevojshme për shkak të ashpërsisë së ndikimit të COVID-19 në sektorin e aviacionit”, shtoi qeveria.

Kompania ajrore portugeze është detyruar të zbatojë një plan rigoroz të ristrukturimit në mënyrë që të mbijetojë për shkak të vështirësive serioze financiare të cilat janë rritur me krizën shëndetësore.//ATSH

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: