Këtë sezon, emisioni “Shqiptarët për shqiptarët”, në News24, ka ndihmuar duke dërguar për kurim jashtë vendit 14 fëmijë. Mes emrave të fëmijëve është edhe Elio. Këtë të premte emisioni rikthen në vëmendje historinë e tij.

Cfarë ndodhi me Elion disa javë më parë?
Quhet Elisian ose shkurt Elio, është 5 vjec, dhe vuan nga leucemia. Prindërve ka pak më shumë se një javë që u është përmbysur bota, pasi mësuan sëmundjen e të birit. Lirimi dhe Ermira, prindërit e Elios, siç rrëfejnë, jetojnë në Kombinat në një shtëpi, që s’është e tyre. S’kanë asnjë mundësi ekonomike për ta shpëtuar të voglin e tyre.

“Asnjë nuk e kupton këtë që ndjej unë, tek fëmija nuk mund ta duroj, pa djalin në shtëpi nuk iki gjallë. Gjithë kohës rrinte i lodhur, para një muaji po çalonte, thamë se mos ishte rrëzuar, i dhimbte gjuri, u mblodhën tre mjekë, i morën gjak në palcë doli që ishte me leucemi, thanë duhet të shtrohet urgjent më ra të fikët, më mirë të vdisja. E shtruam nuk e ka nis ende kimion, është i këputur, ka dhimbje tek gjuri, nuk i dihet. Dua ta rris djalin sic e rrita me motrën, ai kërkon të shkojë në shtëpi. Është fëmijë i dashur më njerëzit, ashtu dua të kthehet përsëri.

Nëse ai shpëton unë tani jap jetën, dua që djali të më shpëtojë, kam frikë mos ma gjen gjë këtu në Shqipëri nuk bëhët ka nevojë për transplant kocke dhe palcë, operacioni kushton 130.000, vetë jam pa shtëpi mezi ja dalim për tu ushqyer, nuke përballoj dot këtë shumë, vetëm Elvis Naci mund ta bëjnë këtë gjë, Elvisi dhe Zoti mund të ma shpëtojnë djalin, vetëm tek ai beson gjithë Shqipëria, vetëm Elvis Naçi dhe Zoti mund të bëjë mrekullinë” thotë e ëma e Elios. “Mu shemb bota, nuk e di, ata që e kanë kaluar më besojnë, ne jemi gati të japim edhe jetën që ai të bëhët mirë, shpresoj që Zoti mos të ma largojë, nuk kam fjalë ta përshkruaj.

Kjo shumë është marramendëse. Nuk kam pas mundësi të dal të punoj, ju lutem na ndihmoni. Elvisi do bëjë mrekulli për djalin tim, ata e kane në dorë jetën e fëmijës” thotë babai i Elios. Elio është binjak me motrën e tij Elisiana, fatmirësisht motra është gëzon shëndet të plotë ndërsa Elio jo. Prindërit u luten për ndihmë. Që djali I tyre të shpëtojë duhen mbi 130 mijë euro, për ta cuar tek Bambino Jesu. Pasi Elvis Naci bëri thirrje në emision, paratë për Elion u mblodhën dhe ai udhëtoi për tu kuruar në spitalin e specializuar për fëmijët “Bambino Jesu”..

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb