E ardhmja e Max Allegrit, ajo deri në fund të sezonit, duket e qartë, tekniku italian nuk dëshiron të rikthehet në drejtimin e një ekipi, dëshiron të pushoj për një vit për tu rikthyer më pas i freskët dhe me energji të reja. Këtë ide, Allegri e ka bërë publike në çdo rast kur në drejtim të tij ka ardhur një ofertë, fundja është ende nën kontratë me Juven nga ku përfiton 7,5 milion euro.
Ish trajneri i Juve, pavarësisht dëshirës së tij për të pushuar, mbetet një nga teknikët më të kërkuar, oferta e fundit erdhi nga Anglia, ku Man.United dëshironte që ai të marrte menjëherë vendin e Solskjaer. Jo vetëm Premier League, oferta kanë ardhur dhe nga Franca, PSG do të ishte e gatshme ti plotësonte çdo kërkesë. Oferta e fundit, apo ideja më e bujshme, vjen nga Serie A.
Sipas “La Gazzetta dello Sport”, Milan po mendon ti ofroj një rol të ri Allegrit sezonin e ardhshëm. Në momentin më kritik të klubit, kuqezinjtë po shqyrtojnë mundësinë për ti ofruar Allegrit postin e trajnerit por dhe të menaxherit në të njëjtën kohë, një rol alla Alex Ferguson, që do të ishte risi në Serie A, mbase i vetmi shans që Milan ka për të joshur ish trajnerin.
(BalkanWeb)