Barcelona ka mposhtur me rezultatin 3-0 Levanten në takimin e kthimit të vlefshëm për 1/8-at e Kupës së Spanjës, por gjithsesi katalanasit nuk mund të festojnë ende pasi mund të eliminohen në tavolinë. Presidenti i Levantes, Quico Catalan e ka konfirmuar se klubi i tij do të ankohet tek Federata Spanjolle e Futbollit (RFEF) pasi Barcelona përfshiu në formacion një lojtar që nuk mund të luante në ndeshjen e parë të Kupës së Spanjës.
Edhe pse afati përfundimtar për ankesë ka kaluar, departamenti ligjor i ‘Las Granotas’ ka studiuar me kujdes çështjen dhe do ta bëjnë aneksën.
“Kjo nuk është një situatë e lehtë, pasi ne preferojmë të fitojmë në fushë. Do të ankohemi të premten në Federatë për këtë shkelje të ekipit të Barcelonës”, u shpreh Quico Catalan.
Në ndeshjen e parë në Estadi Ciutat de Valencia , Barcelona e futi në formacionin startues, Chumin, i cili nuk kishte të drejt të luajë për shkaktë pezullimit për numrin e kartonëve me ekipin e Barcelona B. Këtë fakt e ka zbuluar edhe vetë e përditshmja katalanase, “Mundo Deportivo”.
BalkanWeb
