Presidenti italian Sergio Mattarella , 81 vjeç, ka rezultuar pozitiv me COVID -19, por ka pak simptoma përtej një ethe të lehtë, tha zyra e tij në një deklaratë.

Mattarella ka anuluar takimet e tij për ditët në vijim, por do të vazhdojë me detyrat e tjera i izoluar nga apartamenti i tij në Pallatin Quirinale në Romë, thuhet në deklaratë.

Mattarella të mërkurën mori pjesë në natën e hapjes së sezonit të ri në shtëpinë e operës La Scala në Milano, së bashku me kryeministrin Giorgia Meloni dhe Presidenten e Komisionit Evropian Ursula von der Leyen.

Presidenti në Itali ka kryesisht detyra ceremoniale, por është përgjegjës për zgjidhjen e krizave politike kur ato ndodhin.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: