Presidenti Ilir Meta vazhdon të jetë në Dibër, ndërsa nxjerr në pah traditat dhe vlerat e kësaj krahine.
Meta ka shpërndarë në rrjetet sociale këngën e Hajredin Pashës, e kënduar nga një vogëlushe 10 vjeçare.
Kreu i shtetit vlerëson se Dibra ngeli përherë bastioni dhe barrikada e parë e betejave ndaj vërshimit të hordhive të ushtrive pushtuese në kufirin verilindor të shqiptarëve, ndërsa kjo trimëri e vendasve është përjetësuar në këngë e valle.
https://www.facebook.com/watch/?v=319918999336380&extid=viEw6NavGOSEhVmK
Postimi i presidentit Ilir Meta:
Dibra ngeli përherë bastioni dhe barrikada e parë e betejave ndaj vërshimit të hordhive të ushtrive pushtuese në kufirin verilindor të shqiptarëve.
Trimërinë dhe heroizmin e dibranëve në luftërat për mbrojtjen e territorit dhe identitetit tonë kombëtar, populli e ka përjetësuar në këngë.
Padyshim një ndër më të veçantat, dhe një nga më të dashurat për mua është edhe Kënga e Hajredin Pashës.
Por më të jashtëzakonshme e bëri për mua, këngëtarja më e re e Ansamblit “Kuvendi i Zall Dardhës”, Elisa Skarra, vogëlushja 10-vjeçare, që të mahnit jo vetëm me talentin e jashtëzakonshëm, por edhe me dashurinë e madhe për Atdheun e rrënjët e të parëve.
Një falenderim të veçantë kam për prindërit e saj që kanë mbajtur gjallë traditat dhe kanë trashëguar tek brezi më i ri vlerat tona më të mira kombëtare. Model frymëzimi për të gjithë!
Ju përshëndes me këtë interpretim virtuoz të artistes sonë Elisa Skarra! ??
(d.xh/ Balkanweb)
