TIRANË
Optimist, i buzëqeshur dhe i relaksuar. Kështu shfaqet Presidenti i Republikës Ilir Meta në një foto të publikuar nga vetë ai në “Facebook”, në krah të të cilit qëndron ish-kryeministri i Kosovës, kreu i AAK Ramush Haradinaj. Siç shihet mes tyre ka pasur një takim shumë miqësor.
“Sot me Ramushin, në këtë Pranverë Shqiptare”, shkruan Presidenti Meta.
Pak minuta më pas edhe Haradinaj ka publikaur foto me Metën. “Sot me Presidentin!”, shkruan ai.
Ky është takimi i parë i liderëve të Kosovës me drejtuesit shqiptarë, pas zgjedhjeve parlamentare të 14 shkurtit në Kosovë, ku fitoi Vetëvendosje.