Presidentja e Komisionit Evropian, Ursula von der Leyen ka mirëpritur vazhdimin e dialogut midis Kosovës dhe Serbisë.

Përmes një shkrimi në Twitter të dielën ajo po ashtu ofroi mbështetje për procesin e dialogut.

“Mirëpres vazhdimin e dialogut midis Beogradit dhe Prishtinës. Do të jap mbështetjen time të plotë për hapat e ardhshëm në proces,” ka shkruar der Leyen.

Ursula von der Layen përsëriti mesazhin e ministrit të Jashtëm të BE-së Josep Borrell, i cili si ndërmjetës kryesor në dialogun për normalizimin e marrëdhënieve Kosovë-Serbi, theksoi se BE “ishte dhe do të jetë e gatshme të mbështesë dhe të lehtësojë përpjekjet për të gjetur një marrëveshje përfundimtare dhe juridikisht detyruese”.

Dialogu Kosovë-Serbi vazhdoi sot me një video-konferencë të kryeministrit të Kosovës Avdullah Hoti dhe presidentit të Serbisë, Aleksandar Vuçiq, me ndërmjetësimin e BE-së.

Takimi i delegacioneve të Kosovës dhe Serbisë është planifikuar të mbahet të enjten, më 16 korrik në Bruksel.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb