Presidentja e Kosovës, Vjosa Osmani, sot do të fillojë diskutimet me partitë politike për të përcaktuar datën e zgjedhjeve lokale.

Këshilltari për media i presidentes, Bekim Kupina, është shprehur për mediat në Kosovë se vetëm pas konsultimit me partitë, do të vendoset edhe data e zgjedhjeve.

Sipas Ligjit për zgjedhjet lokale në Kosovë, e shprehur edhe në Kushtetutë, Presidentja duhet të caktojë datën e zgjedhjeve jo më vonë se katër muaj para zgjedhjeve.

Pra zgjedhjet nuk mund të mbahen më herët se 60 ditë para përfundimit të mandatit dhe jo më vonë se 30 ditë pas përfundimit të mandatit.

(BalkanWeb)